Маҳсуджон Ҳайитов: "Ҳисоб ўйинга мос бўлмади"
19 mar 2016 13:13
News
Маҳсуджон Ҳайитов: "Ҳисоб ўйинга мос бўлмади"
Ўйиндан кейин мезбонлар аъзоси Маҳсуджон Ҳайитовнинг фикрлари билан қизиқдик.
- Биласиз, олий лига билан биринчи лиганинг савиясида катта фарқ бор. Кечаги учрашувда шу жиҳат ўз сўзини айтди. Биз рақиб дарвозаси олдида яратган вазиятларимиздан фойдалана олмадик. Аксинча, меҳмонлар дарвозамизни уч бор ишғол қилишди. Холис айтганда, ҳисоб ўйинга мос бўлмади. Мағлубиятга эмас, ҳисобга хафа бўлдик. "Металлург" яққол тажриба эвазига ғалаба қозониб кетди.
Олий лига клублари декабрь ойида тайёргарликни бошлаган. Қолаверса, чемпионатда 2та учрашув ўтказишга улгуришди. "Металлург" 2та ғалаба билан пешқадамлар сафида юрганининг ўзиёқ нимадандир дарак бермоқда. Биз эса, февралдан йиғинга киришдик. Бу биринчи расмий ўйинимиз эди. Ўртоқлик учрашуви билан расмий баҳс ўртасида катта фарқ бор. Очиғи, биз ҳали 100 фоиз тайёр эмасмиз. Биринчи лига ўйинлари старт олганидан кейин мавсумга тўлиқ тайёр бўламиз, десам муболаға бўлмайди.
Гарчи кеча ютқазган бўлсак-да, чемпионатда мухлисларимизни хурсанд қилишимизга ишонаман. Боиси, бизда яхши жамоа шаклланяпти. Клуб раҳбарлари барча шароитларни яратиб бермоқда. Рости, "Хотира-79" янги мавсумда олий лига учун кураш олиб бормасада, курашадиган етакчиларга бемалол бош оғриқ бўла олади. Буни ишонтириб айта оламан, - дейди Ҳайитов.
Comments