Маҳмуд Маҳамаджонов "Бунёдкор" билан шартномани узайтирди

"Бугун асосий таркибда тўп тепаётган аксар футболчилар “Бунёдкор” академиясида тарбия топгани барчага маълум. Хусусан, охирги мавсумларда бош жамоанинг етакчиларига айланиб улгурган Расул Йўлдошев, Фаррух Икромов, Маҳмуд Маҳамаджонов, Билол Туплиев, Музаффар Олимжонов, Умид Султонов кечаги кунимизнинг меваси, “қалдирғочлар”нинг эртаси ҳисобланади.

“Бунёдкор” футбол клуби раҳбарияти жамоа шиори, анъанасига содиқ қолган ҳолда жамоа эртаси бўлган тарбияланувчи билан шартномани узайтирди. Ўзбекистон олимпия терма жамоаси аъзоси, иқтидорли ҳимоячи Маҳмуд Маҳамаджонов 2027 йил охиригача “қалдирғочлар” либосида тўп тепади.

Умид қиламизки, Маҳмуд Маҳамаджонов келаси мавсумларда ҳам ҳимоядаги мустаҳкам ўйини билан жамоамизнинг ғалабаларига ҳисса қўшади", - деб ёзади "Бунёдкор" клуби матбуот хизмати.