Latest news

14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  0 14:02Аргентина терма жамоасининг бўлажак ўйинлар учун таркиби маълум  0 13:33"Реал" афсонаси: "Олмаотага учиш Нью-Йоркка учишдек гап"  7 13:04"Фенербахче" Моуриньюни бош мураббий лавозимидан озод этди  5 12:52Туркманистон бош мураббийи Ровшан Мередов: "Бу савол менга эмас"  2 12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  13 11:56Тимур Кападзе Паулу Бенту ҳақида фикр билдирди  27 11:44Карлуш Кейруш: "Бир неча йил аввал Ўзбекистон футболи "уйқу"да эди"  23 11:40Карлуш Кейруш Паулу Бенту ҳақида фикр билдирди  0 11:20Ўзбекистон МТЖ эртага янги формада ҳаракат қилади  12 10:53Довбик А Сериянинг бошқа жамоасига ўтишга яқин  4 10:28Хави Симонс фаолиятини АПЛда давом эттиради (Фабрицио Романо)  7 09:57Адриен Рабьо "Милан"га ўтмайди, онаси унинг "Марсель"да қолишини истамоқда  1 09:25Ислом Исмоилов: "Жаҳон чемпионати олдидан Англия, Канада, Марокашга қарши ўйнаш жамоага куч беради"  1 08:56"Ньюкасл" Исакнинг ўрнига Германиядан ҳужумчи олиб келади  7

Лушанга эътирозим бор News

Лушанга эътирозим бор

8 декабрь куни Сергей Лушан сайтимиз офисига ташриф буюриб дардини достон қилди.

Ўзининг айтишича, "Бунёдкор"нинг ундан қарзи бор экан. Яъни, клуб 2015, 2016 ва 2017 йил учун мураббий билан тўлиқ ҳисоб-китоб қилмаган. Айни пайтда "Сўғдиёна" бош мураббийи бўлиб ишлаётган Лушаннинг фикрларини диққат билан ўқиб чиқдим. Бир томондан у ҳақ, модомики клуб у ишлаган пайтларда тўлиқ ҳисоб-китоб қилмаган экан, демак буни бажаришига тўғри келади.

Лекин шу ўринда танганинг иккинчи томони ҳам бор. Сергей Лушан кичкина пул ҳақида гапирмаяпти, 800 миллион сўмдан ортиқ маблағ ҳақида гап боряпти. Бу ўзига яраша катта пул, тўғрими? Ҳамма ҳам шунча пули бўлишини тасаввур қила олмайди. Лушаннинг клубда ишлаган пайти ойлик маош, кўтарма пули ва мукофот пуллари қолиб кетган экан.

Натижада Лушан бу ҳақда порталга ёзди, ҳатто клубни судга берди. Энди савол туғилади: модомики Лушан "Бунёдкор"дан пулини тўлиқ ололмаган экан, нима учун ўша пайт бу ҳақда тегишли ташкилотларга мурожаат қилмаган? Ёки мурожаат қилган-у, ҳеч ким уни эшитмаганми? Масалан, 2015 йилдан қолиб кетган қарз учун ўша йил охирида гапириши мумкин эди.

Ёки бўлмаса 2016-2017 йилги муаммолар нега энди бугунга келиб кўтариляпти? Яхши биламизки, ҳар бир клуб йил охиригача футболчи ва мураббийлар ҳисоб-китоб ишларини охиригача етказишга ҳаракат қилади. Агар охиригача етказмаса мураббийлар дод деворади. Ҳар бир клуб буни жуда яхши билади.

Айтайлик, Лушаннинг 2015 йилдан қарзи қолди, унда нима учун 2016 йилда янги шартнома тузган? Нима сабабдан ўша пайт мендан қарзи бор дея клубни судга бермаган? Нега энди бу масала орадан уч йил ўтиб очилиши керак? Хуллас, жуда бир тушунарсиз ҳолат. Тўғриси, биз ҳеч кимнинг маошига ёки хизмат ҳақига аралашмаймиз, ким қанча топаётган бўлса қандини урсин, лекин ҳамма ишни вақтида жой жойига қўйган маъқул эмасми?

Шу ўринда яна бир масала бор. Бу натижалар билан боғлиқ. Сергей Лушан "Бунёдкор"ни бошқарган йиллари жамоани чемпион қила олмаган. Айтайлик, чемпион қилганида чемпионлик мукофот пулларим қолиб кетган деса ярашарди. Осиё чемпионлар лигасида эса қўпол қилиб айтганда жамоанинг "абжағини" чиқариб юборган.

2015 йил "Бунёдкор" ОЧЛ гуруҳ ўйинларида қатнашиб, охирги ўринни эгаллаган, 0 ғалаба. 2016 йил ҳам гуруҳ босқичида иштирок этиб, яна охирги ўринда тугатган, яна 0 ғалаба. 2017 йил яна ОЧЛда қатнашган жамоа бу сафар гуруҳда фақат битта ўйинни ютган, бироқ барибир охирги ўринда қолиб кетган.

Сергей Лушан бу йил сал қолса "Сўғдиёна"ни ҳам Про лигага тушириб юборарди. Хайрият, ўтиш ўйинида улар "Машъал"ни енга олишди. Агар гап уч йилда 800 миллион сўмдан ортиқ қарз йиғилиб қолгани ҳақида бораётган бўлса, келинглар ҳаммамиз мураббий бўлиб қўя қоламиз. Негаки ОЧЛда қатнашиб охирги ўринни олишни сиз ҳам эплай оласиз, мен ҳам.

Х.Холиқов. 


Сергей Лушан 800 миллиондан ортиқ пулини олиш учун "Бунёдкор" билан судлашаётганини маълум қилди (интервью)

Rating: +32   

Comments

championat.asia
< show latest news
Яндекс.Метрика