Лукаку яна жароҳат олди

"Интер" ҳужумчиси Ромелу Лукаку сонининг орқа қисмидан жароҳат олди, деб хабар берди "Sky Sport Italia". Бельгиялик футболчи Чемпионлар Лигаси 6-туридан ўрин олган "Бавария" билан ўйинни (1 ноябрь) ва А Серияда "Ювентус"га қарши ўйинни (6 ноябрь) ўтказиб юбориши аниқ.

Бу Лукакунинг "Интер"га қайтганидан кейин орттириб олган иккинчи жароҳатидир. Аввалроқ у август ойининг охирида сони шикастлангани туфайли деярли икки ойни ўтказиб юборганди.