Лукаку фаолиятидаги энг муҳим мураббийлик нутқи ҳақида гапирди

Ўша беллашувда “Интер” биринчи бўлимдан сўнг “Милан”га 0:2 ҳисобида имкониятни бой бераётган бўлишига қарамай, якунда 4:2 ҳисобида ғалаба қозонган эди.

Фаолиятидаги энг муҳим нутқ ҳақида

“Уни Конте сўзлаган эди. Ўшанда биз биринчи бўлимдан кейин икки тўп фарқи билан ютқазаётгандик. У умуман бақирмади. У шунчаки бизга нима қилишимиз лозимлигини  ва қандай қилиб бўш зоналарни топишимизни айтди. Биз унинг барча айтганларини амалга оширдик. 

“Интер”даги фаолияти ҳақида

“Сан Сиро” тўла мухлислар қаршисида “Интер” таркибида майдонга тушиш ёқимли. Бундай ҳолатларни қадрига етаман, менга завқ бағишлайди. “Интер” сафидаги энг чиройли голим “Женоа” дарвозасига киритган иккинчи голим. Мен қўлимдан нималардир келишини исботлай олганман!”

АПЛдаги фаолияти ҳақида

“Очиғини айтишим керак, “Эвертон”даги фаолиятим давомида кўп нарсалар менга маъқул эди. “Челси” ва МЮ сафида тўп тепганда ҳам ёқимли хотиралар билан эсда қолган. Бу ерда бир жамоа менга Англияга қайтишимга ва севимли футболчиларимдан кўп нарсалар ўрганиш имконини берган бўлса, бошқа бир клуб яна бир қадам олға силжишга, ЕЧЛда тўп тепишга имкон берган”

А серия ва АПЛнинг фарқи ҳақида

Тактик нуқтаи назардан олиб қараганда ҳар ҳафта сени ҳақиқий синов ва машаққатли ўйин кутиб туради. АПЛда эса ўйин суръати жуда тез эди”, дея ўзининг Твиттердаги саҳифасида фикрларини билдириб ўтди Лукаку.