Лукаку «Астон Вилла»га ўтиши мумкин

Goal хабарига кўра, мавсум оралиғида «Интер»даги ижарадан яна «Челси» сафига қайтадиган бельгиялик форвардга «Астон Вилла» клуби қизиқиш билдирмоқда. Бирмингҳэм клуби бош мураббийи Унаи Эмери Лукакуни жамоасининг асосий форварди сифатида кўрмоқчи. 

Аввалроқ, Лукаку «Челси»нинг янги бош мураббийи Маурисио Почеттино билан мавсум олдидан гаплашиб олгач, фаолияти борасида бир қарорга келиши ҳақида хабар қилинганди. У ҳуқуқий жиҳатдан «Челси» аъзоси саналади.

Маълумот учун, 29 ёшли ҳужумчи жорий мавсум 33 ўйинда 13та гол ва 6та ассистга муаллифлик қилган.