Луис Суарес рақибларини бошқа тишламасликка ваъда берди
30 jun 2014 23:22
News

Луис Суарес рақибларини бошқа тишламасликка ваъда берди

Италиялик рақибини тишлаб олган футбол бўйича Уругвай терма жамоаси ҳужумчиси Луис Суарес қилган иши учун узр сўради.

Twitter’даги микроблогида маълум қилишича, Суарес бўлган воқеадан «қаттиқ афсусда».

«Бир неча кун давомида уйда оилам билан бўлганимдан сўнг, менда ўз хотиржамлигимни тиклаш ва 2014 йилнинг 24 июнь куни, Италия – Уругвай ўйини вақтида содир бўлган воқеани чуқур ўйлаб кўриш имкони бўлди», – деб ёзади футболчи.

«Мен бўлган воқеадан қаттиқ афсусдаман. Мен Жоржо Кьеллинидан ва бутун футбол ҳамжамиятидан узр сўрайман. Бундай воқеа бошқа такрорланмаслигига сўз бераман», – дейди Суарес.

Бразилиядаги ЖЧ-2014 вақтида Италия терма жамоаси ҳимоячиси Жоржо Кьеллинини тишлаб олгани учун, ФИФА Суаресни тўрт ойга футболдан четлатди. Ҳужумчи бу вақт давомида футбол ўйнаши ва стадионларга ташриф буюриши мумкин эмас.

Link :

Source : kun.uz

Receive latest football news directly on your phone. Subscribe for our Telegram channel!

Rating: