Луис Суарес: "Мағлубиятда айбни кимгадир ағдариш керак эмас"

"Бизни қийин тақвим ва муҳим баҳслар кутиб турганини билардик. "Севилья"дан учралган мағлубиятни "Сельта" билан бўлган ўйинга таққослаш керак эмас. Бу баҳсда биз яхши ўйнай олмадик. Бир қатор вазиятларни кўкка совурдик. Пашшадан фил ясамаслик лозим. "Барселона" дунёнинг энг кучли жамоаси. Шу боисдан бизни жуда кўп кузатиб боришади ва ҳамманинг диққат-эътибори бизга қаратилади. Футболчиларимизнинг тажрибаси жуда катта. Бу муваффақиятсизликдан чиқиб кета оламиз. Мағлубиятда эса кимнидир айблаш ноўрин", - дейди Луис Суарес.