Луис Адриано: «Биринчи ўйинда "Бавария"ни мағлуб этишга ҳаракат қиламиз»

– Биринчи ўйинда дуранг сизларни қаноатлантирадими?
- Йўқ, бизнинг асосий мақсад - ғалаба. Ҳеч бир ўйинда, гарчи у "Бавария" бўлсада дуранг учун майдонга чиқмаймиз. Ҳар бир баҳсда доимо ғалаба ҳақида ўйлаймиз.

– "Бавария"га қарши ўйинда рақибдан кўра жисмонан кучлироқ тайёргарликка эга бўлиш мумкинми, уларда Германия чемпионати айни қизғин паллада кирган пайт?
– Ҳа! Улар умуман бошқа ўйин ритмидалар. "Бавария" ҳар уч-тўрт кунда ўйнайди. Биз эса сўнгг бир ярим ойда бир нечта ўртоқлик ўйинларини ўтказдик. Лекин бу ўйинлар ҳам осон кечгани йўқ. Бизнинг тайёргарлигимиз ҳам ёмон эмас.
Бемалол айтишим мумкинки, жамоа ҳозир жисмонан анча яхши ҳолатда. "Бавария" билан бўладиган ўйинга тайёрмиз.