Льорис: "Пайет ажойиб гол уриб ҳаммамизни қутқарди"

"Бугунги асосий мақсадимиз 3 очко эди. Учрашув оғир ўтди. Аммо ғалаба қозониш учун керакли ҳаракатларни амалга ошира олдик. Пайетни табриклашимиз керак, у фантастик гол урди.

Биринчи бўлимдаги сейвим? Мен шунчаки ўз вазифамни бажардим. Биз доимо жамоа учун боримизни берамиз. Ўйинни ўзимиз хоҳлагандек бошлай олмадик. Аммо вақт ўтиши билан устунлик биз томонга ўтди.

Баҳснинг оғир пайти ўтиб кетганини ҳис қилганимиздан сўнг, руминияликлар пенальти ишлаб олди. Кейин эса Пайет ўзининг ажойиб голи билан бизни қутқарди.

Пайет қанчалик иқтидорли эканлигини ҳамма билса керак. У турнирни ижобий бошлаган яхши бўлди. Ғалаба - жамоа меҳнати. Асосийси етакчи футболчилар ўзининг бор кучини ишга солиши" - дейди Льорис.