Лоран Косельни Франция терма жамоасидаги фаолиятига якун ясади

33 ёшли футболчи 2011 йилдан бошлаб Франция терма жамоасида тўп суриб келаётганди. У 51 ўйинда майдонга тушиб, 1 та гол уришга эришган. ЖЧ-2018 ни эса жароҳати сабаб ўтказиб юборганди.

“Франция терма жамоасига нима беролсам, ҳаммасини бердим деб ўйлайман. Жамоада яхши авлод шаклланган. Мен учун терма жамоадаги фаолиятим якунланди. Мен доим миллий терма жамоанинг мухлиси бўлиб қоламан”,—дейди Лоран.