Latest news

12:38Футзал. Ўзбекистон чемпионатида 2-тур якунланди. Мусобақа жадвали, рамзий терма жамоа ва тўпурарлар пойгаси  0 12:11Элит ОЧЛ. Ўзбекистонлик ўйинчи 2-тур рамзий терма жамоасида ўрин олди  0 11:05Расман: Асрор Алиқулов "Шўртан" билан уч ойлик шарнома имзолади  5 10:44"Бунёдкор" ва "Насаф" "Олимпия" стадионида жанговар дуранг ўйнашган баҳсдан ГАЛEРEЯ  0 10:12Пролига. Бугун иккита дерби бор  0 09:44Манчестер жамоалари "Бавария" футболчиси учун курашмоқчи  0 09:17Рустам Ашурматов Каннаворонинг терма жамоага мураббий бўлиши ҳақидаги саволга жавоб берди  43 08:51"Ал Ҳилол" Кейнга жуда катта маош таклиф қилмоқчи  6 08:40Туркия Суперлигаси. Гюндоган "Галатасарой" сафидаги илк голини урди ва жамоасини мағлубиятдан қутқариб қолди  0 08:20Суперлига. Бугун тур якунланади  4 07:53МЛС. Месси учта ассист берган баҳсда "Интер Майами" йирик ҳисобда ғалаба қозонди  13 03:39Зейтуллаев: "Медаллар учун имконият? "Насаф", "Нефтчи", "Пахтакор", "Сўғдиёна" ва "Динамо" билан қандай курашиш мумкин?"  1 02:58Бельгия Про лигаси. "Антверпен" ўз майдонида дуранг ўйнади, Ўринбоев захирадан майдонга тушди  1 02:51Юсуф Отубанжо нима сабабдан Арманистондаги сингари кўп гол ура олмаётганига изоҳ берди  4 02:13Имеда Ашортиа: "Футбол фақат гол уриш ва голли узатма беришдан иборат эмас"  0

Лоран Блан: "Жаҳон чемпиони нималигини жаҳон чемпиони бўлганлар яхши тушунади" News

Лоран Блан: "Жаҳон чемпиони нималигини жаҳон чемпиони бўлганлар яхши тушунади"

Бундан йигирма йил муқаддам Франция терма жамоаси ўз майдонида бўлиб ўтган жаҳон чемпионатида ғолиб чиққанида ПСЖ ҳужумчиси Килиан Мбаппе ҳали дунёга келмаганди.

ЖЧ-98 финали 12 июль куни ўтказилган бўлса, Мбаппе ўша йилнинг охирроғида - 20 декабрь куни туғилган.

Ўша мундиалда Франция терма жамоаси сардори сифатида Лоран Блан ҳаракат қилганди. Унинг Парагвайга қарши кечган 1/8 финал учрашувида "олтин гол"ни урганини ёши катта ишқибозлар яхши эслайди. Хорватия билан кечган ярим финал ўйинида эса у қизил карточка олиб майдонни тарк этган, шу боис ҳал қилувчи финални ўтказиб юборганди.

Лоран Блан футболчилик фаолиятига якун ясагач, мураббийлик ишига киришди. У профессионал мураббий сифатида  дастлаб "Бордо"ни бошқарган бўлса, 2010-2012 йиллар мобайнида Франция термасига устозлик қилди. 2013 йилдан 2016 йилгача эса ПСЖни бошқарди. Яқинда Франция терма жамоаси собиқ футболчиси ФИФА расмий сайтига интервью бериб, ЖЧ-98даги ғалабали онларни ёдга олди.

- Францияда ўтказилган 1998 йилги жаҳон чемпионатидан бери орадан 20 йил вақт ўтди. Учта сўз билан ифодаланганда ўша мусобақадан қандай хотиралар қолган?
- Учта сўзми? Биринчиси, меҳнат ва айтиш мумкинки, катта ҳажмдаги меҳнат. Биз мудиалга зўр иштиёқ билан ҳозирлик кўргандик. Айниқса жисмоний тайёргарлик устида кўп ишлаганмиз. Масалан, финал ўйинини ёдга олинг, биз Бразилиядан қанчалик кучли бўлганимизни кўрасиз.

Жисмоний ҳолати яхши жамоалар бундай турнирларда узоққа бора олишади. Иккинчиси, қувонч. Ўшанда бутун Франция бирлашганди, мухлислар ҳам хурсанд эди. Бир сўз билан айтганда, биз ҳаммага қувонч улашганмиз. Учинчиси эса ғалаба. Ғалабани ҳеч нима билан таққослаб бўлмайди. Ғалаба спортдаги энг муҳим омил. Ғолиблик учун кўп жамоалар курашади, лекин чемпион битта бўлади. Жаҳон чемпионатини ютиш қандай ҳиссиётларни тақдим этишини фақат жаҳон чемпиони бўлиб кўрган футболчиларгина билади.

- Сиз Парагвай билан кечган чорак финал ўйинида "олтин гол"ни киритгансиз. Мана шу ўйинни яна қандай эслайсиз?
- Гол ургунимча баҳс жуда қийин кечаётганди. Рақиб бизга анча жиддий қаршилик кўрсатгани эсимда. Парагвай билан кечган басҳ биз тўпни ўзимиз назорат қила олмаган мусобақадаги ягона учрашув ҳисобланади. Лекин якунда ғалабага эришганмиз ва шундан сўнг чемпион бўла олишимизни ҳис қилганмиз.

- Хорватияга қарши кечган ярим финалда сизга қизил карточка кўрсатилганди. Финални ўтказиб юборишдан қанчалик хафа бўлгансиз?
- Мен буни 20 йил олдин ҳам айтганман ва ҳозир ҳам қайтаришга тайёрман: ўшанда хато қилганман. Биз шундоқ ҳам жарима тўпи тепиш имконини қўлга киритгандик, лекин нимадир бўлди-ю, бориб Славен Биличнинг юзига мушт туширдим. Ҳакам эса мени четлатди. Нима ҳам дердим, бу ҳам ўйиннинг бир қисми. Эсингизда бўлса, биз 0:1 ҳисобида мағлубиятга учраётгандик. Ўша жаҳон чемпионатида биз биринчи бўлиб айнан Хорватиядан гол ўтказганмиз. Шунга қарамай, кейинчалик ҳисобни тенглаштирдик ва ҳатто иккинчи голни ҳам урганмиз.

- Ҳозирги Франция терма жамоасида ҳужум чизиғи анча кучли. 1998 йилги жамоада эса ҳимоя кучли эди, тўғрими?
- Ҳа, шундай. Аммо ҳужум чизиғинг кучли бўлиши ҳар доим яхши. Чунки футбол ўйнашдан мақсад гол уриб ғалаба қозонишдир. Лекин бу ўринда ҳимояни ҳам унутмаслик керак. Чунки баъзи ўйинларда гол ўтказгандан кейин ҳисобни тенглаштириш жуда қийин кечади.

- Франциянинг ҳозирги авлоди яна жаҳон чемпионатини ютишга қодирми?
- Футболчиларда иқтидор бор. Қолаверса, ҳужумда бошқаларга нисбатан кучлимиз. Аммо аксар ўйинчилар ҳали пишиб етилмаган ва кўпчилиги ёш. Иштиёқ эса кучли ва бу ҳам муҳим омил касб этади. Агар тажриба билан ёшни мувофиқлаштира олсак, бемалол бу жамоадан катта натижаларни кутамиз. Ҳаммаси ўзимизга боғлиқ. Лекин шуни унутмайликки, бу йилги ЖЧда фаворитлар етарлича.

Rating: +5   

Comments

championat.asia
< show latest news
Яндекс.Метрика