"Локо"нинг икки футболчиси Брендан Рожерс билан учрашди

Учрашув "Флитвуд Таун"нинг уй стадионида рўй берди. Кеча Англия биринчи лигаси доирасида "Флитвуд Таун" ўз майдонида "Суиндон Таун"ни қабул қилиб, йирик 5:1 ҳисобида ғалаба қозонди. Бу ўйинни кўргани Брендан Рожерс ҳам ташриф буюрди.

Баҳс якунига етгач, "Флитвуд Таун" вакили Рожерсни ўзбекистонлик икки футболчи билан таништирди. Мураббий ёшларга керакли маслаҳатларни берди. Шуни айтиш лозим,  "Флитвуд Таун" ҳамда "Локомотив" ўртасида ўзаро ҳамкорлик имзоланган бўлиб, "Флитвуд Таун"нинг уй стадионида ҳар доим Ўзбекистон байроғи илинган туради. Буни қуйидаги суратда ҳам кўришингиз мумкин.