"Локомотив"да янгиликлар бор, бош мураббий португалиялик бўлади, Сидиқов трансфери ҳал бўлди

Олинган маълумотларга қараганда, "темирйўлчилар" яқин вақтлар ичида Жавохир Сидиқовнинг трансферини эълон қилади. Ўтган мавсумда "Пахтакор" таркибида 14 ўйинда ҳаракат қилиб, 3 бора гол урган футболчи келаси мавсум "Локомотив" шарафини ҳимоя қилади.

Шунингдек, "Локомотив" бош директори ўринбосари Тўлабек Акрамов твиттерида янги бош мураббий билан 2 йиллик шартнома имзоланганини маълум қилди. Унга кўра, янги бош мураббий яқин кунлар ичида эълон қилинади.

Олдинроқ клуб матбуот хизмати вакиллари Миржалол Норматов ҳамда Евдоким Раимов фейсбукдаги аккаунтида шундай постлар ёзиб қолдирганди:

Бундан кўриниб турибдики, "Локомотив"ни янги мавсумда португалиялик мураббий бошқариши кутилмоқда. Бу борадаги расмий хабарлар яқин кунлар ичида маълум қилинади.