"Локомотив" ПФК "Driver‘s Village" билан шартнома имзолади
07 dec 2020 16:35
News

"Локомотив" ПФК "Driver‘s Village" билан шартнома имзолади

Ўз олдига юқори мақсадларни қўядиган "Локомотив" футбол клуби яна бир титул ҳомийга эга бўлди.

"Локомотив" ПФК Ўзбекистонда "GM Uzbekistan" автомобилларини сотиш ва техник хизмат кўрсатиш бўйича етакчи автомарказлардан бири "Driver‘s Village" МЧЖ автосалонлар маркази билан ҳамкорлик шартномаси имзолади.

Эндиликда "Driver‘s Village" ҳам клубнинг бизнес ҳамкорларидан бири ҳисобланади. "Локомотив" ПФК маркетинг ишлари бўйича бош директор ўринбосари Шоҳруҳ Ҳожиметов бу ҳақда шундай деди: "Маълумки, клубимиз ҳар доим ўз олдига юқори мақсадларни қўйиб келмоқда. "Driver‘s Village" МЧЖ автосалонлар маркази билан ҳамкорлик шартномаси имзолаш келажак сари ташланган катта қадамлардан бири. Ўйлаймизки, ушбу келишувдан ҳар икки томон манфаатдор бўлади".