"Локомотив": ОЧЛ. Рақибларимизда нима гап?

"Локомотив": ОЧЛ. Рақибларимизда нима гап?
31 mar 2015 11:03
News

2. Ал Садд

3. Ал Жайиш

4. Қатар СК

Тошкент, 31 март - Ўз тарихида илк бор ОЧЛ гуруҳ босқичида иштирок этаётган "Локомотив"ни олдинда яна учта ўйин кутиб турибди.

Вадим Арамов шогирдлари аввалига 8 апрель куни "Ал Садд"ни қабул қилишади, кейин "Ал Ҳилол" Тошкентда меҳмон бўлади (21 апрель) ва гуруҳнинг охирги баҳсини "Локомотив" сафарда "Фулад"га қарши ўтказади (5 май).

4-тур. 8 апрель

"Локомотив" - "Ал Садд"

Қатарнинрг "Ал Садд" клуби 17 март куни "Локомотив"га қарши баҳс ўтказганидан сўнг миллий чемпионат доирасида "Ал Хор" билан беллашди. 22 март куни бўлиб ўтган ўйинда "Ал Садд" 5:1 ҳисобида ғалаба қозонди. Голлар: Талал Ал Блуши, Юсеф Аҳмад, Мурики (2та), Мешал Ал Шаммари. Жамоа Тошкентга келишидан олдин ўз майдонида "Ал Гарафа" билан куч синашади. Бу ўйин 4 апрелда ўтказилади. "Ал Садд" Қатар чемпионатида ҳозирча иккинчи ўринда кетяпти. Чемпионат тугашига эса уч тур қолди.

5-тур. 21 апрель

"Локомотив" - "Ал Ҳилол"

"Ал Ҳилол" Саудия Арабистони Про лигасида тўртинчи ўринни эгаллаб турибди. Жамоа пешқадам "Ал Наср"дан етти очко орқада бормоқда. "Ал Ҳилол" 17 март куни "Фулад" билан дуранг ўйнаганидан сўнг сафарда "Ал Шабаб" меҳмони бўлди ва 1:0 ҳисобида ғалаба қозонди. Ягона гол жароҳатини даволаб яна сафга қайтган Носир Ал Шамрони ҳисобига ёзилди. 4 апрель куни "Ал Ҳилол" яна сафарда ўйин ўтказади: "Ал Таавон"га қарши. 8 апрелда эса жамоа ўз майдонида "Фулад"ни қабул қилади.

6-тур. 5 май

"Фулад" - "Локомотив"

Эроннинг "Фулад" клуби 17 март куни ўз майдонида "Ал Ҳилол" билан 0:0 ҳисобида дуранг ўйнаганидан бери ҳали бошқа расмий ўйин ўтказгани йўқ. Чунки мамлакатда Наврўз байрами кенг нишонланди. Бундан ташқари, миллий терма жамоа йиғилгани боис клублар дам олишди. "Фулад" 3 апрель куни ўз майдонида "Истиқлол" билан куч синашади. Шундан кейин жамоа Саудия Арабистонига сафар қилиб, "Ал Ҳилол"га қарши тўп тепади. "Фулад" миллий чемпионатда 5-ўринни эгаллаб турибди.