Latest news

08:48Here we go! "Арсенал" яна бир трансферни якунлади  2 08:20Антонининг "Бетис"га трансфери барбод бўлди  4 07:42Испания терма жамоаси аъзоси АПЛнинг ўртамиёна клубига ўтди  0 07:15CAFA. Бугун Ўзбекистон МТЖ ўз юришини бошлайди  9 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  20 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  6 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  1 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  4 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   5 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  34 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5

"Локомотив" назорат учрашувида "НБУ-Осиё"ни мағлуб этди News

"Локомотив" назорат учрашувида "НБУ-Осиё"ни мағлуб этди

Тошкент Темир Йўл Муҳандислари Институти ҳудудида жойлашган футбол майдонида бугун “Локомотив” Тошкентнинг “НБУ-Осиё” жамоасига қарши ўртоқлик учрашуви ўтказди.

Юзага келган 17 кунлик танаффусда футболчилар ўйин амалиётига эга бўлиши ва спорт формасини яхши даражада сақлаб туриши мақсадида ўтказилган яна бир назорат учрашувида Вадим Абрамов асосий таркибнинг деярли барча аъзосини синаб кўрди.

Учрашувда “Локомотив” катта устунликка эга бўлган бўлса-да, “НБУ-Осиё” футболчилари ўзлари яратган кам сонли ҳужумларини муваффақиятли якунлай олишди.

Ўйиннинг 16-дақиқасида қарши ҳужумдан кейин яхши вазиятга чиқиб борган тажрибали Леонид Кошелев Темур Жўраев қўриқлаётган дарвозани аниқ нишонга олди. “Локомотив”да биринчи бўлим давомида жуда кўплаб яхши вазиятлар бўлди. Бироқ ҳисобни тенглаштириш насиб этмади. Иккинчи бўлим аввалида яна ўша Кошелев ҳисобни 2:0га етказганидан сўнг “темир йўлчилар” ҳужумга зўр берди ва кўп ўтмай, ўйиннинг 55-дақиқасида Акмал Ҳолматов ҳисобдаги фарқни биттага қисқартирди.

Бироздан сўнг чап қанотдан ҳужум уюштирган Жасур Ҳасанов (кичиги) ўзининг бильярдчиларга хос аниқ зарбаси билан ҳисобни тенглаштирди.

Бутун ўйин давомида жуда фаол ўйин намойиш этган Фарҳод Тожиев эса ўйин сўнггида дубл қайд этди. Ўзининг биринчи голининг ўнг қондан узатилган тўпни боши билан киритганида ўйиннинг 85-дақиқаси ўтиб бораётган эди. Ҳакам ўйин тугагани ҳақидаги хуштагини чалишидан бироз аввал эса у яна бир бор ўз номига гол ёзиб қўйишга улгурди – 4:2.

Ўртоқлик учрашуви.

“Локомотив” – “НБУ-Осиё” 4:2

Голлар: Акмал Холматов (55), Жасур Хасанов (62), Фарҳод Тожиев (85, 90) — Леонид Кошелев (16, 48).


Rating:    

Comments

championat.asia
< show latest news
Яндекс.Метрика