"Локомотив" мухлислари Денисовга миннатдорчилик билдиришди
16 jul 2019 01:05
News

"Локомотив" мухлислари Денисовга миннатдорчилик билдиришди

Бироз олдин, РПЛнинг илк тури доирасида «Локомотив» ўз майдонида «Рубин» билан муроса (1:1) йўлини танлади.

Мазкур баҳс вақтида «РЖД Арена»га йиғилган «темирйўлчилар» мухлислари «Локо»нинг собиқ аъзоси Виталий Денисовга атаб баннер тайёрлашди. Унда эса «Барчаси учун раҳмат сенга Виталий Денисов», сўзлари ёзилганди.

Эслатиб ўтамиз, 32 ёшли ҳимоячи 2013 йилда Украинанинг «Днепр» клубидан москваликлар сафига келиб қўшилганди. Шу вақт оралиғида Виталий жамоа билан Россия чемпионлигини ва икки бора мамлакат кубогини қўлга киритди. Денисов ўтган мавсумни ижара асосида «Крилья Советов»да ўтказди ва жорий йилнинг ёзида эса у эркин агент сифатида қозонликлар аъзосига айланди.