“Локомотив” Минск йиғинини якунлаб Тошкентга қайтди
20 jul 2017 18:17
News

“Локомотив” Минск йиғинини якунлаб Тошкентга қайтди

Ўзбекистоннинг амалдаги чемпиони “Локомотив” иккинчи даврага муносиб ҳозирлик кўриш мақсадида Беларусь пойтахти Минск шаҳрида ўқув-машғулот йиғини ташкил этди.

11 июлдан Минскда шуғулланган “темирйўлчилар” бугун хориж йиғинини якунлаб Тошкентга қайтишди. “Локомотив” йиғин давомида учта назорат учрашувида майдонга тушди.

Дастлаб “Днепр Могилёв” 4:1 ҳисобида таслим этилган бўлса, иккинчи назорат ўйинида “Гомель” билан 1:1 ҳисобида дуранг ўйналди. Сўнгги учрашув “Слуцк” клубига қарши кечди ва унда "темирйўлчилар" 3:0 ҳисобида ғалабага эришишди.

Минск йиғинини якунлаган "Локомотив" бугун Тошкентга қайтиб келди. Жамоа энди Ўзбекистон кубоги 1/4 финал жавоб баҳси доирасида “Бухоро” билан ўйинга ҳозирликни бошлайди.

Link :

Source : lokomotiv.uz

Receive latest football news directly on your phone. Subscribe for our Telegram channel!

Rating: +2