Latest news

02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  20 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  17 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  35 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  6 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  7 21:55CAFA Nations Cup-2025. Ўзбекистон — Ўмон 1:1   30 21:32"CAFA Nations Cup-2025" Ўзбекистон илк ўйинда Кейруш бошчилигидаги Ўмонни юта олмади  376 21:23АПЛ. "Тоттенхэм" кутилмаганда ўз майдонида "Борнмут"га мағлуб бўлди, МЮ эса автогол ва пенальти эвазига "Бёрнли"дан устун келди  11

"Локомотив" ҳимояси, кубок ўйинларига бўлган мақсад, Жасур Жалолиддинов ҳақида - Отабек Ғуломхўжаев иштирокидаги матбуот анжумани News

"Локомотив" ҳимояси, кубок ўйинларига бўлган мақсад, Жасур Жалолиддинов ҳақида - Отабек Ғуломхўжаев иштирокидаги матбуот анжумани

Ўзбекистон Кубогининг 1-тури доирасида "Локомотив"дан учралган мағлубиятдан кейин "Андижон" бош мураббийи Отабек Ғуломхўжаев ўз фикрларини билдириб ўтди.





- "Локомотив"ни ғалаба билан табриклайман. Шиддатли, курашларга бой ўйин бўлди. Рақибларнинг шундай ўйин кўрсатишини кутгандик. Чемпионатнинг бошида жамоанинг ўйини ўхшамади. Кейинчалик кетма-кет икки ғалабани қўлга киритди. Жамоа аста-секин олдинги ҳолатига қайтаётганлиги кўриниб турибди. Ўйинга яхши тайёрландик. Ўзимиз вазиятлардан фойдалана олмаганимиздан кейин қўпол хатога йўл қўйдик.

- Кубок ўйинларида жамоанинг олдига қандайдир вазифа қўйилганми?
- Имкон қадар олдинроққа бориш. Минимал вазифамиз - гуруҳдан чиқиш. Плей-оффда қанча кўп ютсак, шунча яхши. Бу ўзимизга ҳам фойдали.

- Футболчиларга мотивация етишмаётгандек. Жамоанинг биринчи бўлимдаги ўйинида темп кўринмади.
- Бу энди ички муҳитга ҳам боғлиқ. Таркибимизда яхши футболчилар жуда кўп. Улар орқали ўйинни йўлга қўйиб олиш керак. Умуман олганда таркибдаги кўплаб ёшлар менинг қўл остимда тарбия топган. Улар мени ҳали ҳам ёшликдаги мураббийи, ўзини ёш бола деб ҳисобламоқда. Қаердадир бироз қаттиқ гапирсангиз, хафа бўлиб олишади. Шу ўйинларда чемпионатда ўйнамаётган футболчиларга имконият берилмоқда. Карим ҳам, Жамшид ҳам ўйнади. Улар ҳам таркибда рақобат қилиши, шаклланиши керак. Агарда уларнинг ўйинлари ўхшаганида балки, навбатдаги ўйинларда асосий таркибда бўлиши мумкин эди. Бироқ уларнинг ўйинлари мени хайрон қолдирди. Лекин уларни айбламайман. Улар асосан ёшлар жамоамиз таркибида ўйнашаётганди. Қачон асосий таркибда тушганини ҳам эслай олмайман. Биринчи бўлимда рақибларнинг ҳужумларига туриб беришимиз керак эди. Ҳужумларни иккинчи бўлимга олиб қўйгандик. Иккинчи бўлимда яхши вазиятлар юзага келди. Бироқ бундан фойдалана олмадик. Ёш болаларча қўпол хатолар қилдик. Ҳимоячилар, дарвозабон ҳам хатолар қилишди. Жавоҳирни ҳам қачон асосий таркибга қўйганимни эслай олмайман. Иккинчи гол ҳам бизнинг хато эвазига кириб кетди. Усмонали ярим қадам ташлаганида тўп бизники бўларди. Йўқ. Ундай бўлмади. Тажриба етишмаяпти.

- Жасур Жалолиддиновга нимадир етишмаяпти. "Локомотив" каби топ-жамоалар келганида айнан у ўйинни ўз қўлига олиши керак эмасми?
- Жасур ҳаракат қилмоқда. Аммо у "Локо"да фақатгина машғулот қилди, ўйинларда қатнашгани ҳам йўқ, имконият ҳам беришмади. "Тамбов"да ҳам шундай бўлди. Жасурни тарафини ҳам олавермайман. Аммо унинг бошидан ўтганини мен биламан. Уни чуқурликдан олиб чиқиш керак. Барчамиз уни эзаверсак қандай бўларкин? Унинг олдида Ўзбекистоннинг бошқа жамоаларидан таклифлар бор эди. Жасур секин-секин ўзига келиб олади. Бу борада у билан гаплашиб олганман. У ҳамма гапларни айтган. Ҳа, унинг етакчилик қобилияти бор. Аммо Жалолиддиновнинг ёшини ҳам инобатга олиш керак. Ҳали 19га ҳам тўлмади.

- Голлар ҳақида. Асосан стандартлардан гол урилмоқда. Демак, ҳужумчиларда муаммолар бор.
- Бу борада ҳам ишлаш керак. Дониёр Абдуманноповнинг индивидуал ҳаракатлари эвазига қарши ҳужумга ўтиб кетдик ва пенальти ишладик. Унгача ҳам яхши, ўйланган комбинацияларимизни амалга ошираётгандик. Ўтган 4 кун давомида фақатгина дарвоза ёнида машғулот ўтказдик. Машғулотда барча гол уради. Аммо шуни ўйинга олиб чиқа олмаяпмиз. Менимча бу омадга ҳам боғлиқ.

- Сўнгги лахзаларда қизғанчиқлик қилишаётгандек.
- Ундай бўлмаяпти. Агарда шундай бўлса, мен футболчиларга танбех бераман. Месси ҳам сўнгги ўйинларда кўп алдамоқда, аммо пас ҳам беради. Футболчилар учинчи зонага кирганда яхши ўйин кўрсатишмоқда. Аммо жарима майдончаси ичида пас ўйнаган футболчиларни жуда ёмон кўраман. Зич ҳимоядан ўтиш учун узоқдан зарба ёки индивидуал маҳорат керак бўлади. Бугунги "Локо"нинг ҳимоясидан ўтиш учун эса пас эмас, индивидуал жиҳатдан юқори сифатга эга бўлган футболчилар керак эди.

Rating:    

Comments

championat.asia
< show latest news
Яндекс.Метрика