"Локомотив" футболчилари "Флитвуд Таун"да ўз рақамларига эга бўлишди
20 sep 2015 08:54
News

"Локомотив" футболчилари "Флитвуд Таун"да ўз рақамларига эга бўлишди

Хабарингиз бор, Англия биринчи дивизионида иштирок этаётган "Флитвуд Таун" футбол клуби Тошкентнинг "Локомотив" клуби билан ҳамкорликни йўлга қўйган эди.

Ушбу ҳамкорлик самараси ўлароқ "Локомотив" ёшлар жамоасининг икки нафар футболчиси Англия клубида малакасини ошириш имкони туғилди. Кеча дарвозабон Рустам Нартажиев ва ҳимоячи Сергей Прохоров клуб вакиллари билан биргаликда Туманли Альбионга етиб боришди. "Флитвуд Таун" клуби мураббийлари ва раҳбарлари вакилларимизни хурсандчилик билан кутиб олишди. Иккала футболчи 3 ой мобайнида инглиз клуби сафида ўз тажрибаларини оширишади. Рустам Нартажиев 45, Сергей Прохоров эса 42-рақамли футболкаларни қабул қилиб олишди.