"Локомотив" болажонларни байрам билан табриклади

Маълумки, ҳар йили шу куни "Локомотив" футбол клубининг бемор ётган болалар ҳолидан хабар олиши анъанага айланиб улгурди дея оламиз.

Шу боис бугун ҳам "Локомотив" ПФК мураббийлар штаби ва фуболчилар жамоанинг титул ҳомийси Orient Finans Bank ходимлари билан биргаликда Ўзбекистон Республикаси соғлиқни сақлаш Вазирлигига қарашли Республика онкология илмий марказида бўлиб, хасталикдан азият чекаётган болакайларнинг кўнглини кўтариш мақсадида табриклаб, уларга совғалар улашишди.

Болаларнинг севимли мултфильм қаҳрамонлари эса онкология марказида даволанаётган болажонларга хушкайфият улашишди. "Локомотив" ходимларининг ташрифи бутун илмий марказ жамоаси ҳамда болаларнинг ота-оналарини ниҳоятда қувонтирди. Совғалар улашилгач, болаларга тезроқ соғайиб кетишларини тиладик ва барча эсдалик учун суратга тушди.