“Локомотив”: Бикмаев ва Абдухолиқов барча мусобақаларда гол урди
01 dec 2015 17:58
News

“Локомотив”: Бикмаев ва Абдухолиқов барча мусобақаларда гол урди

Бу йил “Локомотив”нинг асосий таркиби тўртта мусобақада иштирок этди: Олий лига, ОЧЛ, Ўзбекистон Кубоги ҳамда Суперкубок.

Мана шу тўртта мусобақада “темирйўлчилар” ҳаммаси бўлиб 88та гол уришнинг уддасидан чиқишди.

“Локо”нинг икки нафар ҳужумчиси эса барча тўрт мусобақаларда гол урган футболчи бўлишди. Булар – Марат Бикмаев ва Темурхўжа Абдухолиқов. Бикмаев олий лигада 11та, ОЧЛда 2та, Ўзбекистон Кубогида 3та ва Суперкубокда битта гол уришнинг (жами 17та) уддасидан чиқди. Абдухолиқов эса олий лигада 8та, ОЧЛда битта, Ўзбекистон Кубогида иккита ва Суперкубокда битта тўп киритишга (жами 12та) муваффақ бўлди.