"Ливерпуль" Салоҳ борасида "Реал"га жавоб берди

Маълумотларга кўра, футболчига ўтган йилнинг декабридан бери "Реал" қизиқиш билдирмоқда. Ўша пайтда Салоҳ 100 млн. фунтга баҳоланган эди, бироқ ҳозир бу нарх икки бараварга ошди - 200 млн. фунт. "Қироллик клуби" трансфер борасида "Ливерпуль" билан боғланди, аммо қизиллар хатто 200 млн. фунтга ҳам мисрликни сотмаслигини маълум қилишди. Салоҳ яқин бир неча йил учун жамоа бош мураббий Юрген Клопп режаларида асосий фигуралардан бири. Футболчининг шартномасида товон пули белгиланмаган, бу нарса "Реал"га қийинчилик туғдирмоқда. Амалдаги битим шартларига кўра, у ҳафтасига 90 минг фунт ишлаб топади ва клуб раҳбарияти яқин вақт ичида мисрликка янги шартнома таклиф қилади.

Жорий мавсум 25 ёшли ярим ҳимоячи АПЛнинг 33та учрашувида 31та гол урди.