“Ливерпуль” Руис учун курашга қўшилди

“Наполи” билан шартномасини узайтиришга шошилмаётган Фабиан Руис учун курашга Юрген Клопп жамоаси ҳам қўшилди. Испаниялик 23 ёшли ярим ҳимоячининг хизматларига “Реал”, “Барселона”дан ҳам жиддий қизиқиш бор. Унинг трансфери 80 млн еврога баҳоланмоқда. Футболчи жорий мавсум “Наполи” сафида 32 та ўйин ўтказиб, 3 та гол урди ва 2 та голли узатма берди.

Руиснинг клуб билан шартномаси 2023 йил ёзида якунига етади.

“Наполи” Фабианни 2018 йил июлида 30 млн евро эвазига “Бетис”дан сотиб олганди.