"Ливерпуль" мухлислари учун хушхабар! Жамоа етакчиси сафга қайтди

"Ливерпуль" вингери Муҳаммад Салоҳ Миср терма жамоасида орттириб олган жароҳатидан қутулди. Бу ҳақда "Goal" нашри хабар бермоқда.

Футболчи умумий гуруҳда машқ қилмоқда. У 17 февраль куни бўлиб ўтадиган "Брентфорд"га қарши ўйинда майдонга тушиши мумкин.

Салоҳ қаторасига еттинчи мавсумда "қизиллар"нинг тўпурари бўлиб турибди. 31 ёшли мисрлик ушбу мавсум барча мусобақаларда 27 та ўйинда майдонга тушиб, 18 та гол урди ва 9 та голга ассистентлик қилди.