"Ливерпуль" дарвозабони "Бетис"га ўтди

"Бетис" "Ливерпуль" дарвозабони Адриан билан шартнома имзолаганини расман эълон қилди. 37 ёшли испаниялик дарвозабон билан шартнома икки йил – 2026 йилнинг ёзига қадар амал қилади, дея хабар берди Ла Лига клуби матбуот хизмати.

Адриан эркин агент сифатида "Бетис"га ўтди. Испаниялик футболчи 2013 йилгача рангларини ҳимоя қилган жонажон клубига қайтди.

Адриан "Бетис"ни тарк этгач, 2013 йилдан 2019 йилгача "Вест Хэм"да ўйнаган. Тажрибали дарвозабон сўнгги беш мавсумни "Ливерпул"да ўтказди. Сўнгги мавсумда дарвозабон бирорта расмий ўйинда қатнашмади.