"Ливерпуль" "Боруссия"га Санчони сотиб олмоқчилиги ҳақида хабар қилди

Бу ҳақда "Daily Mail" нашри хабар берди.

Манбанинг маълумотига кўра, мерсисайдликлар инглиз учун курашга қўшилишди ва "Боруссия"га 19 ёшли вингерни сотиб олиш истаги ҳақида мурожаат қилди. Клуб "Nike" компанияси билан тузилган йирик шартнома ва Юрген Клоппнинг "Боруссия" билан яхши алоқалари ушбу трансферни амалга оширишга ёрдам беради деб ҳисобламоқда. Клоппнинг ўзи ҳам бир неча бор ёш футболчининг ажойиб ўйинларидан ҳайратда эканини яширмаган. Немис клуби ўйинчини 120 млн еврога баҳоламоқда. Шунингдек, Санчога "Манчестер Юнайтед", "Челси", "Реал" ва "Барселона" ҳам даъвогарлик қилмоқда.

Жорий мавсум Жейдон Санчо Германия чемпионатида 19та ўйинда иштирок этди ва 12та гол уриб, 13та голли пас берди.