“Лион” бош мураббийи: “Моуриньо менинг ўрнимга келса, хурсанд бўламан”

“Биз уни ҳурмат қиламиз. Моуриньо қайси клубда ишлаган бўлса, уларнинг ҳаммаси билан совринлар юта олган. Мен унинг футболда амалга оширган ишларини юксак қадрлайман. Жозе ажойиб мураббий. Агар у менинг ўрнимни эгалласа, мен бу билан фахрланаман”, дея Женезионинг сўзларидан иқтибос келтирмоқда Get French Football News.

Моуриньонинг ўзи илгарироқ 2019 йилнинг ёзида мураббийликка қайтиши ҳақида айтиб ўтганди. Португалиялик мутахассиснинг сўнгги иш жойи МЮ бўлганди. Жозе ўтган йилнинг декабрида истеъфога чиқарилганди.