Лингард "Барселона"га ўз хизматларини таклиф қилди

Бу ҳақда "Diario Sport" хабар берди.

Манбага кўра, 31 ёшли англиялик ўз хизматларини таклиф қилиш учун мустақил равишда каталонияликлар билан боғланган. "Барселона"нинг молиявий муаммолари туфайли улар қишда қиммат трансферларни амалга оширолмайдилар, шунинг учун жамоа Лингардни арзонга сотиб олиш ҳақида ўйлаши мумкин.

Лингард ўтган ёздан бери, "Ноттингем Форест" билан шартномаси тугаганидан кейин клубсиз. Аввалроқ футболчи "Манчестер Юнайтед", "Вест Хэм", "Дерби Каунти", "Брайтон" ва "Лестер" жамоаларида тўп тепган.

Шунингдек, у Англия терма жамоаси сафида 32 та ўйинда майдонга тушиб, 6 та гол урган. Transfermarkt Лингарднинг нархини 6 миллион еврога баҳоламоқда.