Лима Круз: "Голни нишонлаш Роналду ёки Мессига қиёсланмади"

Ўйин ҳақида

- Бугун ажойиб даражадаги ўйин ўтказдик. Қийин ўйин бўлди ва биз астойдил ҳаракат қилиб якунда ғалабага эришдик. Бундай даражадаги совринларни қўлга киритиш ҳар доим ёқимли. Бу менинг ҳаётимдаги энг қувончли онлардан бири.

"Насаф" ўтган мавсумда ҳам бу совринга эга чиққан экан. Ўйиндан олдин биз жамоамиз билан охиригача курашишга келишиб олган эдик. Бугун ҳамма бир тану-бир жон бўлиб ҳаракат қилди ва якунда ғалабага эришдик.

- Голни нишонлаш Роналду ёки Мессидан қиёсланганми?

- Йўқ, бу ўйиндаги қувонч ҳиссиётларидан келиб чиқди. Шу сабабдан ҳам ҳис-туйғуларга мос тарзда шундай нишонладим. Роналду ва Месси ажойиб футболчилар, айтиш жоиз бўлса футболдаги феноменлар. Аммо менинг кумирим бразилиялик Роналдо. Мен ҳар доим унга ўхшашга интиламан.

- "Насаф" янги шартнома таклиф этса, жамоада қоласизми?

- Ўзимга қолса, албатта қоламан. Аммо бу бош мураббий ва клуб раҳбариятининг қарорига боғлиқ. Ҳозир "Насаф" билан 1,5 йиллик шартномам бор. Агар жамоа мени олиб қолишни истаса, шартномам тугаганидан сўнг ҳам "Насаф"да қолишни истардим.