"Лейпциг" ҳозирда номи кўп тилга олинаётган ҳужумчини сотиб олиш ниятида
20 nov 2019 21:00
News

"Лейпциг" ҳозирда номи кўп тилга олинаётган ҳужумчини сотиб олиш ниятида

"Ред Булл Зальцбург" форварди Эрлинг Холанд фаолиятини Германияда давом эттириши мумкин.

Германия клуби 19 ёшли норвегияликнинг ўйинларини кузатмоқда ва у билан шартнома имзолашдан умидвор.

Футболчининг отаси, Альф-Инге Холанд, "Лейпциг" вакиллари билан алоқада бўлиб турибди ва ўғлига ўйин амалиёти кафолатланган Бундеслига клубларидан бирини танлашни маслаҳат бермоқда.

"Sport Bild" маълумотига кўра, Холанднинг австрияликлар билан шартномаси 2023 йил ёзига қадар мўлжалланган. Унинг товон пули келаси ёзда 30 миллион еврони ташкил қилади.

Биласиз, "Зальцбург" ва "Лейпциг" жамоаларида ҳамкорлик алоқалари мавжуд. Уларнинг ҳомийси "Red Bull" ҳисобланади. 2011 йилдан бери 17 нафар Австрия клуби аъзолари "Лейпциг"га кўчиб ўтган.

Link :

Source : sportbild.bild.de

Receive latest football news directly on your phone. Subscribe for our Telegram channel!

Rating: +7