Левандовски Ямал билан можарони рад этяпти: "Майдонда бир-бирига бақириш - нормал ҳолат"

Ла Лига ўйинининг 72-дақиқасида 16 ёшли қанот ҳужумчиси узоқ устундаги очиқ турган Левандовскига тўп узатиш ўрнига яқин бурчакка зарба бериш билан ҳужумни якунлади.

Бу қарор полякни ғазаблантирди. “Ламин! Узоқ устунга!" – 35 ёшли футболчи шеригига баланд овозда қичқирди, шундан сўнг у ғазабланиб, қўлларини билан бир нималарни кўрсатди. Кўп ўтмай Ямал шеригини қўлига уриб қўйиш учун Левандовскига яқинлашди. Роберт ярашишни хоҳламади.

“Изоҳ учун алоҳида сабаб йўқ, бу тасодиф эди. Ламин билан муносабатларимга келсак, мен у билан кўп марта суҳбатлашдим, ҳатто шу ўйин давомида ҳам унга ёрдам, маслаҳат бердим.

Бу нормал ҳолат. Баъзида керакли кўрсатмалар бериш учун бақириб туришади.

Имо-ишорага келсак, бу бутунлай тасодиф; мен бу эрда яширин маънони қидирмаган бўлардим.

Испания матбуоти шундай янгиликлар, бўрттирилган ёки ўзига хос талқин қилинган вазиятлар билан яшайди. Бу мантиққа тўғри келмайдиган кичик нарсалардир.

Мен ўзимни оқлашни хоҳламайман, мен учун булар жуда оддий нарсалар. Буни муҳокама қилиш билан ўзимни аҳмоқ ҳис қиляпман. Мен ҳеч нарсани тушунтирмоқчи эмасман, чунки бу эрда тушунтириш учун ҳеч нарса йўқ. Келинг, мавзуни ёпамиз”, - деди “Барселона” форварди.