Левандовски "Олтин тўп" ҳақида гапирди
13 oct 2017 21:31
News

Левандовски "Олтин тўп" ҳақида гапирди

"Бавария" футболчиси Роберт Левандовскининг фикрича, "Олтин тўп" учун унинг номзоди кўрсатилганлиги катта аҳамиятга эга эмас.

Ҳужумчи ўз ғалабасига ишонаётгани йўқ.

"Мен учун "Олтин тўп" катта аҳамиятга эга эмас. Менга клубимнинг муваффақияти муҳим. Айниқса ЕЧЛдаги ғалаба. Шахсий совринларга кўп эътибор бермайман.

Нима учун футболчиларни 50, 5 ёки 25-ўринларга жойлаштиришади? Фақатгина биринчи учта ўрин муҳимку.

Сиз "Бавария"да ўйнайсиз. ЕЧЛнинг ярим финалигача етиб борасиз. Бундеслигада кўплаб голлар киритиб, ЕЧЛда иккинчи тўпурарга айланасиз... Ўша мавсумда нечинчи ўринни олганим эсимда йўқ. Лекин, ғалати бўлганди", - дейди Левандовски.

Маълумот учун, ўшанда Левандовски ушбу сўровномада 16-ўринни эгаллаганди.