Левандовски жорий мавсум клуб ва термадаги умумий голлар бўйича етакчига айланди
16 feb 2020 21:55
News

Левандовски жорий мавсум клуб ва термадаги умумий голлар бўйича етакчига айланди

Бироз олдин, Германия чемпионати 22-туридан ўрин олган “Кёльн” – “Бавария” баҳси якунланди ва унда меҳмонлар 4:1 ҳисобида зафар қучишди.

Ўйиннинг 3-дақиқасидаёқ мюнхенликлар форварди Роберт Левандовски рақиб дарвозасини ишғол этди ва чемпионатдаги голлари сонини 23тага етказиб, тўпурарлигини мустаҳкамлади. Энг яқин таъқибчиси Тимо Вернер ҳисобида эса 20та тўп мавжуд.

Шунингдек, у 2019/20 йилги мавсум клуб ҳамда терма жамоада урилган голларини 40тага (Бавария 35, Польша 5) тенглаштириб, бундай натижага эришган ушбу мавсумдаги илк футболчига айланди.