Левандовски "Эспаньол"га қарши ўйнай олади. Мадрид суди 3 ўйинлик дисквалификацияни кейинга қолдирди

Левандовски Ла Лига доирасида “Осасуна”га қарши баҳсда майдондан четлатилганди ва зша ўйиндаги хатти-ҳаракатлари учун 3 та ўйинга дисквалификация қилинганди.

Каталония клуби Мадрид марказий судига мурожаат қилди ва у ушбу баҳс бўйича якуний қарор қабул қилинмагунча дисквалификация муддати бошланишини кейинроққа қолдирди.

Агар суд "Барселона" фойдасига қарор қабул қилмаса, польшалик форвард дисквалификасия муддатини ўташга мажбур бўлади. Якуний қарорга қадар Левандовски майдонга тушиши мумкин.

Эслатиб ўтамиз, 34 ёшли ҳужумчи Ла Лиганинг 14 ўйинида 13 та гол урган.