Левандовски - Чемпионлар Лигасида ҳафта футболчиси
10 aug 2020 17:00
News

Левандовски - Чемпионлар Лигасида ҳафта футболчиси

"Бавария" ҳужумчиси Роберт Левандовски Чемпионлар Лигасида ҳафтанинг энг яхши ўйинчиси деб топилди.

8 август куни Левандовски Чемпионлар Лигаси 1/8 финали доирасидаги "Челси" (4:1)га қарши ўйинда дубль қайд этди ва икки ассист ижро этди.

Ушбу номга даъвогарлар орасида Лионель Месси ("Барселона"), Криштиану Роналду ("Ювентус") ва Кайл Уокер ("Манчестер Сити") бор эди.

Германия клуби 14 август куни чорак финал доирасида "Барселона" билан тўқнаш келади. Ўйин Лиссабон (Португалия)даги "Эштадиу ду Бенфика" стадионида бўлиб ўтади.

Левандовски Чемпионлар Лигасидаги тўпурарлар тарихида тўртинчи ўринга чиқди. Польшалик форвард жами еврокубокларда 66та гол урган.