Лэмпард: “Таркибни танлаганда футболчининг трансфер нархига эътибор қаратмайман”

АПЛ 25-турида “Лестер Сити”га (2:2) қарши беллашувда 38 ёшли посбон Вилли Кабальеро дарвозани қўриқлади. Лондонликларнинг асосий посбони Кепа Аррисабалага захирада қолдирилди.

“Кепа бу ҳолатга мен кутгандек муносабатда бўлди. У чин юракдан машғулотларда қатнашди.  Мен бу ҳафта у билан кўп гаплашмадим. Мен ҳали кейинги баҳсга дарвозабонни майдонга тушириш борасида бир қарорга келганим йўқ.

Дарвозабон клубга қандай келган, ёши нечда, фаолиятининг қайси даври кечмоқда, буни менга қизиғи йўқ. Бошқача бўлганида мен осонгина уларни трансфер суммасига қараб асосий таркибда туширган бўлардим.

Лекин футболчилар буни жуда яхши билишади.Ҳаммаси уларни машғулотларда ва ўйинда қандай ҳаракат қилишига боғлиқ. Жамоада рақобат бўлиши лозим”, дея Лэмпарднинг сўзларидан иқтибос келтирмоқда Лондонликлар матбуот хизмати.