Лэмпард: "Ўйин 5:5 ҳисобида тугаши ҳам мумкин эди"

"Мен маълум даражада натижадан қониқишим мумкин. Албатта, биз бу ерга ғалаба учун келгандик ва рақибни, стадионни ва турнирга нисбатан ҳурмат билан қарадик. 

Бугун жуда қийин ўйин ўтказдик, ўз уйимизда кечадиган "Лилль" билан баҳс плей-офф йўлланмасини ҳал қилади. Майдонда ижобий ва салбий вазиятлар кўп бўлди, лекин умуман ўйин натижасидан мамнун бўлишимиз керак.

Иккала жамоа ҳам ажойиб имкониятлар ташкил қилди ва ўйин 5:5 ҳисобида ҳам якунланиши мумкин эди. Учрашувнинг бошида ва биринчи бўлим ўрталарида бизда яхши имкониятлар бўлди. Шу билан бирга, майдон эгалари биздан ҳам хавфлироқ ҳолатларни яратдилар.

Рақибга жуда кўп имконият бериб қўйганимизни ҳисобга олган ҳолда дурангдан қониқишимиз керак", - дейди Лэмпард. 

"Валенсия" ЕЧЛда 8 очко тўплади ва "H" гуруҳида 1-ўринга кўтарилди. "Челси" эса (8 очко) 2-поғонадан жой олди.