Легионерларимиз қайси агентликлар билан ишлашади?

Ушбу трансферда "PROSPORTS MANAGEMENT" агентлиги фаол қатнашди ва ушбу ўз мижозини (Элдор Шомуродов) истиқболли футболчи сифатида "Ростов"га таништирди. Бугун, чет мамлакатларда тўп тепадиган футболчиларимиз билан ишлайдиган агентликларни таништириб ўтамиз.

PROSPORTS MANAGEMENT

"PROSPORTS MANAGEMENT" биз учун бегона агентлик эмас. Ушбу ташкилот билан Россиянинг етакчи футболчилари - Фёдор Смолов, Олег Шатов, Сергей Игнашевич каби ўйинчилар ҳамкорлик қилишади. Элдор Шомуродовдан ташқари ушбу агентлик билан Ўзбекистон терма жамоаси сардори Одил Аҳмедов ишлайди.

EUROPE SPORTS GROUP

Ушбу агентлик жуда машҳур бўлмасада, ташкилот кўпроқ жанубий ва шимолий америкалик футболчилар билан ишлайди. "Жубило Ивата" сафида майдонга тушаётган Фозил Мусаев ушбу агентлик мижози ҳисобланади.

MARKOVIC & BINDER SPORTS MANAGEMENT GMBH

"MARKOVIC & BINDER SPORTS MANAGEMENT GMBH" агентлиги бор-йўғи 9 нафар футболчи билан ишлаган бўлсада, уларнинг 3 нафари ўзбекистонлик эканлиги эътиборга молик. Жасур Ҳасанов ("Насаф"), Баҳодир Насимов ("Ансан Гриннерс") ва Сардор Рашидовлар ушбу агентик билан ишлашган.

WORTMANN SPORTMARKETING

"WORTMANN SPORTMARKETING" агентлиги бир йўла 3 нафар ўзбекистонлик билан ишлаган экан. Айни дамда Қатарнинг "Ал-Сайлия" клуби шарафини ҳимоя қилаётган Темурхўжа Абдуҳолиқов, "Локомотив" ҳимоячиси Ислом Тўхтахўжаев ва "Ордабаси" ҳужумчиси Александр Гейнрих ушбу агентлик мижози.

Маълумотлар Transfermarkt.de сайтидан олинди.