"Легионерга айланишга яқин эдим". Асилбек Амонов нима учун мавсумни биринчи лигада бошлади?

Унда Тошкент вилоятининг "Рубин" ва "Локомотив БФК" жамоалари ўзаро тўқнаш келишди. Муросасиз кечган учрашувда "Рубин" пенальтилар сериясида 4:2 ҳисобида ғалаба қозонди. Ушбу учрашувдан сўнг ғолиб жамоа таркибида майдонга тушган номдор ва тажрибали дарвозабон Асилбек Амонов фикрлари билан ўртоқлашди. 

"Биринчи лигада тўп тепаман, деб ўйламагандим. Тўғрисини айтсам, легионерга айланишга яқин эдим. Хориж жамоаси билан шартномаларни ҳам келишиб қўйгандик. Лекин бир неча кун қолганда Ўзбекистондан чиқиб кета олмадим. Шундан сўнг Про лига жамоаларидан бирига ўтаётганимда бир шарт қўйдим. Яъни агарда Суперлига жамоаларидан таклиф бўлса қўйиб юборишларини айтдим. Бу орада "Рубин" дагилар таклиф билан чиқишди. Клуб раҳбарияти барча томонлама қўллаб-қувватлашини айтди. Жамоа ёмон эмас, клуб ҳусусий. Кубокдаги биринчи ўйинимизда ғалаба қозондик. 23 нафар футболчи шу заҳоти ўйин якунланиши билан мукофот пулларини олишди. Футболчи ҳам инсон, у ҳам оила боқиши керак. 

"Локомотив БФК" дарвозабони менга ҳам ёқди. Ишлашдан тўхтамаса келажаги бор бола. Ўйинни асосий бўлимларда тугатишимиз мумкин эди. Лекин кўрдингиз рақиб посбони қийин вазиятларда ҳам жамоасини голдан қутқариб қолди. 

Пенальтилар сериясида охирги зарбани мен тепишимни сабаби оддий. Футболчиларнинг кўзига қарасам чарчоқ ва қўрқув бор эди. Шунинг учун масъулиятни зиммамга олдим",- дейди Асилбек Амонов.