Лаутаро: “Икарди билан боғлиқ вазият ҳеч ким учун фойдали эмас”
20 mar 2019 21:50
News

Лаутаро: “Икарди билан боғлиқ вазият ҳеч ким учун фойдали эмас”

“Интер” ҳужумчиси Лаутаро Мартинес клуб раҳбарияти ва жамоанинг собиқ сардори Мауро Икарди ўртасидаги зиддият якунига етишига умид қилмоқда.

Икардидан сардорлик боғичи олиб қўйилгач, футболчи ҳали бирор марта майдонга тушгани йўқ. Илгарироқ футболчи жароҳат олганлиги ҳақида хабарлар чиққанди. Аммо италиялик журналистларнинг фикрича, Икарди айнан раҳбарият билан келиша олмаётганлиги сабаб майдонга туширилмаяпти.

“Бу яхши ҳолат эмас. Бу Икарди учун ҳам, биз учун ҳам салбий ҳолат. Афсуски, бу вазиятда биз ҳеч нарса қила олмаймиз. Икарди билан боғлиқ инсонлар ақлли қарор қабул қилишлари лозим.

Биз оддий футболчимиз. Вазифамиз ишлаш ва меҳнат қилиш. Клуб шаъни учун ҳаракат қиламиз. Бу каби муаммоли вазиятларда Икарди атрофидаги инсонлар зиддиятни бартараф этишлари лозим бўлади”, дейди Лаутаро.

Link :

Source : Calciomercato.com

Receive latest football news directly on your phone. Subscribe for our Telegram channel!

Rating: +4