Ла Лига мавсумида ВАРнинг энг кўп қарорлари "Реал"га қарши қабул қилинган – 16 та, "Барса"га қарши – 7 та

As ҳисоб-китобларига кўра, "Реал" ва "Алавес" ВАР қарорларидан энг кўп зарар кўрган – ўтган мавсумда ҳакамлар қарорни 16 марта уларнинг зарарига ўзгартирган. Шу билан бирга, улар фойдасига ижобий қарорлар 9 ва 8 марта бўлган.

Видеоҳакамларнинг ижобий аралашуви бўйича етакчи "Барселона"дир – 7 та қарор уларга қарши ва 16 та клуб фойдасига.

Бундан ташқари, "Реал" бекор қилинган голлар сони бўйича етакчи – 8 та. Ундан кейин "Вильярреал" (6 та).

"Лас-Пальмас" (6 та) ва "Барселона" (5 та) рақибларининг бекор қилинган голлари сони бўйича етакчи.

ВАРдан сўнг энг кўп 11 метрлик жарима зарбаларини "Атлетик" олди (7 та). "Барселона" ва "Осасуна"да 5 тадан пенальти, "Реал" ва "Атлетико"да эса 4 тадан.

Қизиғи шундаки, "Реал" ва "Алавес" ВАРдан сўнг рақибларининг четлатилишидан энг кўп фойда кўрган – иккала клубда ҳам 4 та ҳолат.