Latest news

01:57Европа лигаси. "Астон Вилла"да ғалаба, "Ноттингем Форест"да мағлубият ва бошқа натижалар  1 01:25Погба Франция термасига қайтадими? Дешам жавоб берди  0 00:51"Лилль" дарвозабонидан супер қаҳрамонлик!  6 00:28ОФФА Президенти Ровшан Нажаф ФИФА Президентига миннатдорлик билдирди  0 00:15Конференциялар лигаси. "Кристал Пэлас" тарихий ўйинда ишончли ғалаба қайд этди  1 23:53Европа лигаси. "Бетис"да ғалаба, "Рома" ўз майдонида ютқазди ва бошқа натижалар  0 23:25Муҳим ўйинлар олдидан "Ливерпуль"да жуда жиддий йўқотиш бор  3 23:06Анчелотти Бразилия термасининг сардори ким бўлишини маълум қилди  2 22:43Исроил нега мусобақалардан четлатилмаяпти? Инфантино жавоб берди  17 22:14Игорь Иванович Химич — “Нефтчи” футбол академияси директори  4 21:55Чақир, Мбаппе, Хойлунд - ЕЧЛда ҳафта рамзий термаси маълум қилинди  0 21:31ЎФА Фабио Каннаварога қанча муддатли шартнома таклиф қилган? Тимур Кападзенинг термадаги тақдири нима бўлади?  55 21:13Фабрицио Романо: Ўзбекистон термасини "Олтин тўп" соҳиби бошқаради  69 20:56ЕЧЛда ҳафта футболчиси маълум қилинди  3 20:25Гаиска Мендьета: "Хави МЮда ишлашга ўзини тайёрлаб келмоқда"  4

Куннинг энг муҳим ва қизиқарли тўқнашуви превьюси News

Куннинг энг муҳим ва қизиқарли тўқнашуви превьюси

Германия Бундеслигасининг навбатдаги тур ўйинларига бугун старт берилади.


Тур ажойиб қарама-қаршилик "Боруссия" Мёнхенгладбах - "Лейпциг" тўқнашуви билан бошланади. Юлиан Нагельсманн қўл остига ўтган "буқалар" чемпионатни муваффақиятли бошлашди. Ўтган икки тур давомида жамоа йўқотишларсиз 6 очко ишлаган ҳолда турнир жадвалида пешқадамлар қаторида кетмоқда.

Марко Роуз бошчилигидаги мёнхенгладбахликлар ўтказилган икки турда мағлубиятга учрашгани йўқ. Жамоа дастлаб ўз уйида "Шальке" билан дуранг ўйнаган бўлса, кейинчалик меҳмонда "Майнц"ни доғда қолдириб, 4 очко билан 7-поғонани банд этиб туришибди.



"Лейпциг" жорий мавсум олдидан жамоанинг асосий ўзагини сақлаб қолган ҳолда мураббийлик постига истиқболи юқори бўлган ёш мутахассис Юлиан Нагельсманни таклиф этган бўлса, "Боруссия" асосий етакчиси Торган Азарни қўлдан чиқарди. Мёнхенгладбах клуби фақатгина "Шальке"дан олинган Бреел Эмболо хариди билан мақтана олишади холос. 

Юлиан Нагельсманн жамоага келгач "Лейпциг" ёш мутахассиси услубига монанд 3 марказий ҳимоячи билан ҳаракатланишни бошлади. Жамоа ўйин чизгиси ўзгарди. Юқори прессингга асосланган, тўпни кўпроқ назорат қилишни хуш кўрадиган жамоага айланган "Лейпциг" барча рақибга қарши ўз ўйинини кўрсатишга интилмоқда. 

Ўтган мавсум ёрқин ўйин кўрсата олмаган Марсель Забицер эса янги чемпионатдаги дастлабки икки ўйиндаёқ ўтган йилги кўрсаткичларига тенг самарали ҳаракатни амалга оширди. Забицер ўтган йили жамоадошларига жами 3та голли узатмани амалга оширган бўлса, янги мавсумдаги дастлабки икки ўйиндаёқ бу натижасини такрорлашга улгурди. Нагельсманн қўл остида марказда ҳужумга яқинроқ ўйнаётган Забицер ҳозирги "Лейпциг"нинг асосий етакчиларидан бирига айланди.



Ҳужумда эса Тимо Вернер ва Юсуф Поулсен тандеми самарали ҳаракатланмоқда. Янги мавсумдаги "Лейпциг" ўтган йиллардаги "Хоффенхайм" ўйин услубида янада жозибалироқ кўринмоқда. Нагельсманнда "Хоффенхайм"да етишмаган ижрочилар ҳозирги жамоасида нисбатан кўпроқ. Бу эса Юлианга янги жамоасида қўл келиши мумкин.

Мёнхенгладбахга келган Марко Роуз эса жорий мавсумдан бошла ўзининг ҳақиқий жамоасини шакллантирмоқда. Роуз олдида бу йили жамоани шакллантириб, ўзагини аниқлаб олиш вазифаси қўйилган. "Зальсбург"дан ташриф буюрган ушбу мутахассисга "Лейпциг" жамоаси бегона эмас. Ҳар ҳолда ўтган йиллар давомида бир хўжайиннинг иккинчи жамоасини бошқарган мутахассис ҳозирги "буқалар" таркибидаги кўплаб номларни ва уларнинг имкониятларини яхши билади. Роуз Мёнхенгладбахга эски жамоасидаги чап қанот ҳимоячиси Штефан Лайнерни олиб келган. "Боруссия" Роуз қўл остида 4-4-2 классик тактик схемани замонавий вариантида (4-1-2-1-2) ўйнамоқда. Яъни ромб шаклида жойлашган тўрт ярим ҳимоячилар орасида бир таянч ярим ҳимоячиси, икки қанотга яқин ўйнайдиган футболчи ва бир марказда бир хавбек. Ҳужумда эса жамоанинг ўтган йилги трансфери Плеа ва жорий мавсумдаги трансферига айланган Маркус Тюрам тандем хосил қилган.

Қисқа қилиб айтганда, бугун иккита марказий ҳужумчи билан ўйнайдиган турли хил услубдаги, лекин ҳужумкор ва тажовузкор ўйинни хушлайдиган жамоалар тўқнашувига гувоҳ бўламиз.



Ҳар иккала жамоада янги давр. "Лейпциг" янада янги босқичга, еврокубокларда ҳам муваффақият қозониш учун курашадиган жамоага айланишга ҳаракат қилаётган бўлса, Мёнхенгладбах келажак учун жамоа тузишга киришган палла. Иккала жамоада ҳам янги мураббий. Янгича услуб ва турли хил қарашлар. Ном жиҳатдан бугунги мезбонлар рақибдан кўра машҳурроқ. Лекин "Лейпциг"нинг қисқа тарихда қайд этган натижалари ва ўйинлари билан ҳозирги тажрибали жамоани ҳам ўзини ҳурмат қилишга мажбур этмоқда. 

Қизиғи, мазкур жамоаларнинг ҳозирга қадар ўтказган 6 учрашувида 4 маротаба "Лейпциг" ғалаба қозонган бўлса, "Боруссия" ҳали ҳам "буқалар"ни мағлуб этишни уддасидан чиққани йўқ.

"Боруссия" ўз уйида, янги мураббий билан "Лейпциг" устидан тарихий ғалабани қўлга кирита оладими, деган саволга бугун кечаси бўладиган ажойиб учрашувдан кейин жавоб оламиз.

Ҳа-я, айтганча, мазкур қизиқарли тўқнашувни яқиндагина Бундеслиганинг трансляция ҳуқуқини қўлга киритган "Спорт" канали жонли эфирда кўрсатишни режалаштирган.

Текин маслаҳат, бу ўйинни ўтказиб юборманг ва ҳақиқий футбол завқини ҳис этинг!

Borussia Moenchengladbach

Breel Embolo - 90'

1. Bundesliga . Round 3

31/08/2019, 00:30

3
:
1
Finished

RB Leipzig

Timo Werner - 38', Timo Werner - 47', Timo Werner - 90'

Stadium: Borussia-Park, 47227 spectators

Referee: Sven Jablonski

45'
90'
2'  Breel Embolo
42'  Denis Zakaria
66'  Marcus Thuram (Laszlo Benes)
74'  Fabian Johnson (Raffael)
77'  Florian Neuhaus (Christoph Kramer)
81'  Oscar Wendt
90'  Breel Embolo
90'  Laszlo Benes
18'  Konrad Laimer
38'  Timo Werner
38'  Emil Forsberg
47'  Timo Werner
47'  Yussuf Poulsen
63'  Emil Forsberg (Amadou Haidara)
68'  Ibrahima Konate
70'  Kevin Kampl (Diego Demme)
83'  Marcel Halstenberg (Nordi Mukiele)
90'  Timo Werner

Rating: +5   

Comments

championat.asia
< show latest news
Яндекс.Метрика