Куман "Реал" билан ўйиндан олдин нималар деди?
23 oct 2020 21:34
News

Куман "Реал" билан ўйиндан олдин нималар деди?

"Барселона" бош мураббийи Роналд Куман Ла Лига 7-тури доирасидаги "Реал"га қарши учрашув олдидан шахсий фикрлари билан ўртоқлашди.

"Ўйлайманки, иккала жамоада ҳам катта босим мавжуд. Эҳтимол, "Реал Мадрид" сўнгги 2 ўйинда ўз даражасида ўйнамагандир, аммо бу уларнинг "Эл Класико"га тушкун кайфиятда келишларини англатмайди.
"Реал" – босим билан қандай курашиши кераклигини биладиган тажрибали футболчилардан ташкил топган жамоа. Улар ғалаба қозониш кераклигини тушунишади.
"Реал" заиф ўйин кўрсатишини кутмаяпман, аксинча. Улар учун Рамос ўйнаши жуда муҳим. У ажойиб марказий ҳимоячи, майдондаги харизматик. Унинг мавжудлиги кўп нарсага таъсир қилади.
Класико – ҳар доим ўзига хос бўлган. Биз ўз уйимизда ғалаба қозонмоқчимиз. Шу орқали ўзимизга бўлган ишончни мустаҳкамлаб, тўғри йўлда эканимизни кўрсатамиз", – деди нидерландиялик мутахассис.

Эслатиб ўтамиз, учрашув 24 октябрь куни (Тошкент вақти билан 19:00да) ўтказилади.

Зидан Рамоснинг ҳолати ҳақида гапирди

Link :

Source : Marca

Receive latest football news directly on your phone. Subscribe for our Telegram channel!

Rating: +13