Куман “Барселона”дан 12 млн евро талаб қилмоқда. Клуб Сетьендан ҳам қарздор

Шартнома эрта бекор қилингани туфайли клуб 58 ёшли мутахассисга 12 млн евро товон пули тўлаб бериши лозим.

Нидерландиялик ушбу суммани камайтиришга рози эмас, у “Барса”нинг 7-8 миллион долларлик таклифига ҳам рад жавобини берди.

Ўтган мавсум коронавирус пандемияси туфайли Куман Каталония клуби раҳбарияти билан учрашиб, 45 фоиз маошини кечиктиришга розилик берганди.

Шунингдек, “Барселона” бошқа бир собиқ мураббий Кике Сетьен билан ҳам ҳисоблашишга улгурмади, у бир томонлама ишдан бўшатилган учун суд орқали 14 млн евро ундирилишини талаб қилмоқда.