"Кучли-бешлик": "Уик энд"да барча орзиқиб кутаётган учрашувлар анонси
24 nov 2018 13:30
News
![](https://championat.asia/upload/storage/463761_original.jpg)
![](/upload/storage/463761_220.jpg)
"Кучли-бешлик": "Уик энд"да барча орзиқиб кутаётган учрашувлар анонси
ФИФА кунлари туфайли юзага келган танаффусдан сўнг клублар ниҳоят бугундан яна курашга киришишади.
"Уик энд"нинг энг муҳим ва қизиқарли қарама-қаршиликлари ҳақида тўхталиб ўтамиз.
Германия Бундеслигасида 12-тур доирасида чемпионат пешқадами "Боруссия" жамоаси мудофаа чизиғи жуда ишончли ўйнаётган "Майнц" меҳмони бўлади. Амалдаги чемпион "Бавария" эса турнир жадвалида бешинчи ўриндан тепага сакраш учун "Фортуна Дюссельдорф" қаршилигини енгишига тўғри келади.
Франция 1 Лигасида пешқадам ПСЖ "Тулуза"ни меҳмон қилади. Инқироз кўчасидан чиқиб кета олмаётган ва 3 ойдан ошиқ вақт давомида ғалаба таъмини татиб кўрмаган "Монако" бу гал "Кан"га сафар қилади.
Италия А Сериясида чемпионат карвонбоши "Ювентус" Туринда СПАЛ билан тўқнашади. Анчелотти қўл остидаги "Наполи" эса ҳали ғалаба нималигини билмай келаётган "Кьево"ни меҳмон қилади. "Интер" "Фрозиноне" билан куч синашади. А Сериядаги турнинг марказий учрашуви Римда ўтказилади. Турнир жадвалида ёнма-ён кетаётган "қўшнилар": "Лацио" - "Милан" беллашуви мухлисларда катта қизиқиш уйғотиши аниқ.
Испания Ла Лигасида мазкур ҳафтадаги қизғин қарама-қаршилик гувоҳига айланамиз. Пешқадам "Барселона" турнир жадвалида ўзидан икки поғона паст, очколар бўйича битта кам бўлган "Атлетико" меҳмони бўлади. Бу тўқнашув нафақат Ла Лиганинг, балки ҳафтанинг энг муҳим тўқнашувларидан бири бўлади.
"Реал" эса Солари қўл остида "Эйбар"га қарши меҳмонда саф тортади. Чемпионатни кўтаринки руҳда ўтказаётган ва турнинг марказий баҳсида дуранг натижасидан манфаатдор бўладиган "Севилья" "Вальядолид"ни қабул қилади.
Англия премьер лигасида бу ҳафта ёрқин қарама-қаршиликлар одатдагидек кўп эмас. Англияда ҳафтанинг муҳим Лондонда кечади. Дерби мақомидаги "Тоттенхэм" - "Челси" тўқнашуви кўпчиликнинг диққат марказида бўлади.
Пешқадам "Сити" эса Лондонда "Вест Хэм" меҳмони бўлади. Манчестернинг иккинчи клуби "Юнайтед" бу турда "Кристал Пэлас" билан кураш олиб боради. "Ливерпуль" "Уотфорд" қаршилигини сафарда енгишга уриниб кўради. Ўтган турда очко йўқотган "Арсенал" "Борнмут" майдонига сафар қилади.
Similar news
![AMP Logo](https://championat.asia/image/logo-amp.png)
Comments