Кросс Беллингем ҳақида: "Бизда аллақачон катта пулга келиб, фаолиятини бутунлай барбод қилган ўйинчи бўлган"

"Реал" ярим ҳимоячиси Тони Кросс Жуд Беллингемнинг трансфери ҳақида гапира туриб, Эден Азарга ишора қилди. 

"103 млн евролик трансфер? Бизда аллақачон катта пулга келиб, фаолиятини бутунлай барбод қилган ўйинчи бўлган. Бу катта пул эди. 

Ортга қарасак, ўшанда қилинган трансфер унчалик ҳам яхши бўлмаганини кўпчилик айтганди. Келинг, ижобий фикрлай қолайлик", -дейди Тони Кросс.

Маълумот учун, Эден Азар 2019 йилда "Челси"дан 115 млн евро эвазига сотиб олинганди. Футболчи "Реал"даги 4 йиллик фаолияти давомида 76 та ўйинда майдонга тушиб, 7 та гол ва 12 та ассист қайд этди, холос.