Кроос Европа чемпионатлари тарихида аниқ узатмалар бўйича ажойиб натижа кўрсатди
20 jun 12:45
News

Кроос Европа чемпионатлари тарихида аниқ узатмалар бўйича ажойиб натижа кўрсатди

Германия терма жамоаси ярим ҳимоячиси Тони Кроос Евро-2024 2-тури доирасидаги Венгрияга қарши (2:0) учрашувда 124 та аниқ узатмани амалга оширди.

Бу кўрсаткич Европа чемпионатлари тарихидаги иккинчи натижа бўлди. Фақатгина Хави 2012 йил Ирландияга қарши ўйинда (127 та аниқ узатма) Кроосдан яхшироқ натижа кўрсата олган. Эътиборли жиҳати германиялик хавбек тўпни 56 бор олдиндаги шерикларига йўллаган, Хави эса – 20.

Шунингдек, Крооснинг 124 узатмасидан 47 таси чизиқлар орасига (line-breaking passes) бўлган – футболчи Шотландияга қарши баҳсда ўзи қайд этган, ҳозирча Евро-2024нинг энг яхши кўрсаткичи бўлган (30), натижасидан анча ўзиб кетди.