Криштиану Роналду: "Ямални тинч қўйиш керак"
09 jun 14:25
News

Криштиану Роналду: "Ямални тинч қўйиш керак"

Португалия терма жамоаси ҳужумчиси Криштиану Роналду Миллатлар лигаси финалидаги ғалабадан кейин (2:2, 5:3 пен.) Испания терма жамоаси аъзоси Ламин Ямаль ҳақида гапирди.

"У кўплаб унвонларни қўлга киритади - жамоавий ва индивидуал. У бор-йўғи 17 ёшда... Такрор айтаман, унда ўсиш учун улкан салоҳият бор. У феномен, лекин уни тинч қўйиш керак - мен шуни сўраяпман. Унинг фаолияти узоқ давом этади ва у Миллатлар Лигасида яна бир неча бор ғолиб чиқиши аниқ," - дея Роналдунинг сўзларини келтиради Mundo Deportivo.

Аввалроқ, Испания терма жамоаси Миллатлар лигасининг учта финалидан иккинчисида мағлуб бўлгани хабар қилинганди. Ўз навбатида, Португалия ушбу турнирда иккинчи марта ғалаба қозонди. Миллатлар лигасидаги илк ғалабани португаллар 2019 йилда қўлга киритган.

Link :

Source : Mundo Deportivo

Receive latest football news directly on your phone. Subscribe for our Telegram channel!

Rating: +10